Айан суола суоҕа сыанаҕа охсор
Олох-дьаһах

Айан суола суоҕа сыанаҕа охсор

Бүгүн Тыа хаһаайыстыбатын министиэристибэтин киэҥ-куоҥ тиэргэнигэр олохтоох ас-үөл өрөбүллээҕи дьаарбаҥката буолла.

edersaas.ru

Төһө да суол-иис суох буоллар, Чурапчы, Амма, Уус Алдан улуустарыттан хаһаайыстыбалар кэлэн бэйэлэрин бородууксуйаларын , быйылгы идэһэ этин батардылар.

Нэһилиэктэртэн Чурапчы улууһуттан Болтоҥоттон, Дириҥтэн уонна Уус Алдантан Дүпсүнтэн кэлэн кыттыыны ылбыттара кэрэхсэбиллээх. Уонна атын нэһилиэк суох.

Сыана олус ыарахан. Атыылааччылар ону айан суола суоҕун кытта сибээстииллэр.

Кинилэри эмиэ да өйдүөххэ сөп. Ыраах нэһилиэктэн уустук айан буоллаҕа.

Өрүһү «хивуһунан» туораан, астарын-үөллэрин тиэйэн аҕалаллара, эмиэ эрэйдээх буоллаҕа.

Ол да иһин буолуо, быйылгы идэһэ ис буотараҕа, хаан, быар  сыаната — олус ыарахан.

Ол курдук, биир киилэ хаан — 1500  тыһ.солкуобай. Онон тыытыллыбакка сытар диэххэ сөп. Дьон сыанатын истээт, ырааҕынан тэйэллэр. Быары киһи этэ да барбат…

«Хоту балык» фирма бородууксуйатын атыыласпыт дьоҥҥо үгэс курдук, сып-сылаас чыыр уонна уомул балык миининэн күндүлээтэ.

Өссө онно бүгүн сылаас чэйи эппит. Онон атыылаһааччытын угуйар ньыматын хото туһанна диэххэ сөп.

Балык атыыта уонна суоҕун тэҥэ. Собону аадырыстарыгар тиэрдэн биэрэр  буолбуттарыттан ыла, собо да атыыта суоҕун тэҥэ. Сүрүнннээн — быйылгы идэһэ. Убаһа төбөтө кыстана сытар, аттыгар «куукулата» сытар.

Чугас сытар улуустар диэтэххэ, намнар уонна хаҥаластар көстүбэттэр. Арааһа, атыылара баран бүппүт быһыылаах.

Сарсын, өрөбүл күн, куорат бу хабыллар киинигэр атыы-эргиэн эмиэ сарсыардаттан саҕаланыаҕа. Онуоха күн-дьыл да туран биэрэн, салгын сии таарыйа, саатар хараҕы сымнатан кэлиэххэ сөп эбит.

Елена ПОТОЦКАЯ, «Саха сирэ» хаһыат, edersaas.ru

Хаартыскаларга: ааптар түһэриитэ

 

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

4 + 7 =