Бу күннэргэ тустууга аан дойду чөмпүйэнээтигэр кыттыахтаах Кыргызстан сүүмэрдэммит хамаандатын састааба бигэргэннэ. Онно биллибитинэн, атырдьах ыйын 21 -26 күннэригэр Париж куоракка (Франция) ыытыллар аан дойду чөмпүйэнээтигэр 125 киилэттэн үөһэ ыйааһыҥҥа Кыргызстан аатыттан саха бөҕөһө Айаал Лазарев тустуоҕа.
Былырыын Риотааҕы Олимпийскай оонньуулар кэннилэриттэн, Айаал официальнай күрэхтэһиигэ бу бастакы кыттыыта буолуоҕа.
Чөмпүйэнээт көҥүл тустууга күрэхтэһиилэрэ атырдьах ыйын 25-26 күннэригэр буолуохтара. Кыргызстан бөҕөстөрө сэттэ ыйааһыҥҥа тустуохтара.
Роман Попов, “Саха сирэ” хаһыат, edersaas.ru
+1
+1
+1
+1
+1
+1
+1