Айаал Лазарев көҥүл тустууга Аан дойду куубагын боруонса призера буолла
18.12.2020
Кыргызстан аатыттан тустар биир дойдулаахпыт Айаал Лазарев Белградка буола турар көҥүл тустууга Аан дойду куубагын призерунан буолла. Боруонса мэтээли былдьаһар финалга кини Европа уонна аан дойду чөмпүйэнээттэрин хас даҕаны төгүллээх призерун Азербайджан бөҕөһүн болдьоҕун иннинэ кыайда.
Айаал Лазарев 125 киилэҕэ диэри ыйааһыҥҥа тустар. Бастакы эргииргэ кини Канада бэрэстэбиитэлин Амару Десины 6:0 ахсааҥҥа, онтон Модоваттан Егор Олары тушенан кыайбыта. Финалга тахсар иһин киирсиигэ Польшаттан Роберт Барантан хоттобута.
Боруонса мэтээл иһин Лазарев Европа биэс төгүллээх призерун, аан дойду үрүҥ көмүс уонна боруонса призерун Джамаладдин Магомедовы кытта тустан, 11:0 ахсааҥҥа кыайда.
edersaas.ru
+1
+1
+1
+1
+1
+1
+1