Казахстаҥҥа Алматы куорат Балуан Шолак аатынан спорт дыбарыаһыгар көҥүл тустууга Азия чөмпүйэнээтэ буола турар.
Биир дойдулаахпыт Айаал Лазарев 125 киилэ ыйааһыҥҥа Кыргызстан сүүмэрдэммит хамаандатыгар күрэхтэһэр. Финал түөрт гыммыт бииригэр Соҕуруу Корея тустуугун Ким Донхваны 10:0 ахсаанынан ыраастык кыайан финал аҥарыгар тахсыбыта. Финал аҥарыгар Иран бөҕөһүн Амин Хуссейн Тахерины кытары көбүөргэ күөн көрсөн 6:0 кыайтаран иһэн, ахсааны 6:4 диэри таһааран баран, туше ньыматын туһанан кыайыыны ситистэ. Айаал Лазарев кыайар иһин финалга Казахстан бөҕөһүн Олег Болтины кытары киирсиэҕэ. Тустууну Дькуускай бириэмэтинэн 21:00 Ютубка «Саха тустуута» ханаалга быһа биэриигэ көрүөххэ сөп.
+1
+1
+1
+1
+1
+1
+1