Бэҕэһээ тустуук Айаал Лазарев Америкаҕа көстө диэн сурах интэриниэккэ тарҕанна. Айаал бэйэтин инста-страницатыгар «Букатын көстүҥ дуо?» диэн ыйытыыга «көстүм» диэн эппиэттээбит эбит. Тустуук бу сураҕы сымыйанан аахта.
Ити икки тылтан сириэдийэн «Лазарев Америкаҕа букатынныы көспүт, тустууттан тэйэн ММА охсуһуутугар көһөр үһү» диэн сурах тарҕанна аҕай. Ол төһө кырдьыгын-сымыйатын билэргэ быһаарынныбыт.
Бу хоруй сонун буолан тарҕаммытыттан абаран, тустуук сурутааччыларыгар («Инстаграмыгар» 14 766 сурутааччылаах) маннык хоруйу биэрдэ:
«Бу сонун туохха тирэҕирэрий? Күлүү-элэк оҥостон сторизка («Инстаграм» функцията) эппиэппэр дуо? Официальнайдык туох да диэн биллэрбэтэҕим», — диэн Айаал Лазарев инста-сурутааччыларыгар анаан суруйда.
Ол да буоллар, сүрдээх уһуннук быһааран суруйбут эрээри, «суох, ханна да барбаппын!» диэн быһа бааччы эппэтэ…
Надежда САМСОНОВА, edersaas.ru
+1
+1
+1
+1
+1
+1
+1