Америка Холбоһуктаах Штаттарыгар Джон Хопкинс аатынан университет аахпыт чахчыларынан бүгүҥҥү күҥҥэ 498,8 тыһ. киһи коронавирустан сылтаан суорума суолламмыт.
edersaas.ru
Бу сыыппараны The New York Times хаһыат АХШ үс улахан сэриитигэр өлбүт сүтүктэри кытта тэҥнээн суруйбут. Аан дойду бастакы сэриитигэр 53,4 тыһыынча Америка саллаата өлбүт, Аан дойду иккис сэриитин хонууларыгар 291,5 тыһ. саллаат хаалбыт, оттон Вьетнамҥа ааҥнаан киириигэ АХШ 47,4 тыһыынча байыаннайын сүтэрбитэ. Коронавирустан сылтаан өлбүт дьон ахсаана, бу сэриилэр сиэртибэлэрин ахсааныттан аһары барбыт диэн, хаһыат ыарахан статистиканы биллэрэр.
Саҥа коронавируснай инфекцияттан сылтаан өлбүт дьон ахсаанынан ордук эмсэҕэлээбит үс дойдуларга Бразилия (246,5 тыһ. киһи) уонна Мексика (179,7 тыһ. киһи) киирсэллэр.
«Саха сирэ» хаһыат, edersaas.ru