АХШ Үбүн миниистирэ Стивен Мнучин иһитиннэрбитинэн, Конгресс сокуон барылын ылыннаҕына, Эмиэрикэ хас биирдии олохтооҕор 1000 дуоллары, оҕоҕо 500 дуоллары биэриэхтэрэ. Оччотугар икки оҕолоох ыал 3000 дуоллары ылыаҕа (240 000 солкуобай). Маннык биир кэмнээх судаарыстыбаттан көмө коронавируһу утары охсуһарга нэһилиэнньэни өйүүргэ диэн көрүллүөҕэ.
Ыксаллаах быһыы-майгы тохтооботоҕуна, өссө 3000 дуоллары биэрэллэрин туһунан эппитэ кини. Мнучин этиитин дойду үгүс бэлиитиктэрэ уонна экэнэмиистэрэ өйөөтүлэр. Дуоллар 80 солкуобайы куоһарбытын кэннэ эмиэрикэлэр, биллэн турар, харчынан бырахса сылдьаллар.
Оттон Арассыыйа Киин Баанын бэрэссэдээтэлэ Эльвира Набуиллина АХШ холобурун үтүктүбэтин, итинник көмө эрэлэ суоҕун туһунан эппитэ. Ньиэп, солкуобай сыаната түһэ турдаҕына, дойду хааһыната итинник ороскуоту уйунар кыаҕа суоҕа өйдөнөр.
Хаартыска ria.ru
Марианна Тыртыкова, «Саха сирэ», edersaas.ru