“Агростартап” граныгар сайаапкалары ылыы саҕаланна

Ааптар: 
Бөлөххө киир:

Тустаах куонкурус “Дьоҕус уонна орто урбаан уонна биирдэм урбаан көҕүлээһинин өйөөһүн” национальнай бырайыак чэрчитинэн ыытыллар. Бу өйөбүлү, бастатан туран, быйыл саҥа хаһаайыстыба тэриммит фермер ылыан сөп. Ол эбэтэр, кини бааһынай хаһаайыстыбатын бу сыл тохсунньу ый маҥнайгы күнүн кэннэ тэриммит буолуохтаах.

Иккиһинэн, кэтэх чааһынай хаһаайыстыбалаах киһи. Ол эбэтэр бааһынай хаһаайыстыба тэринэ илик – фермер буолбатах киһи. Өскөтө бу киһи куонкуруһу ааһан кыайыылаах аатын сүктэҕинэ, 30 күн иһинэн хаһаайыстыба тэринэн нолуок сулууспатыгар регистрацияланыахтаах. Ол аата кини 30 күн иһинэн бааһынай хаһаайыстыба тэринэр.

Өрөспүүбүлүкэ тыатын хаһаайыстыбатын миниистирэ Александр Атласов бэлиэтииринэн, кыайыылаахтар хаһаайыстыбаларын сайдыытын хайысхатыттан тутулуктаах (сибиинньэни иитииттэн уратыга) 6 мөл солк. диэри ылыахтарын сөп. Сайаапкалары муус устар 30 күнүгэр диэри тутуохтара. Бу бырагырааманы олоххо киллэрэргэ быйыл 59,8 мөл солкуобайы көрүөхтэрэ, итинтэн федеральнай бүддьүөттэн – 33 мөл солкуобайы.

Ылбыт грант харчытын тыа хаһаайыстыбатын кыылын-сүөлүн, тиэхиньикэни, оҥорон таһаарыыга уонна тыа хаһаайыстыбатын бородууксуйатын астыырга оборудованиены, сир учаастагын  ылыыга туһаныахха, инженернэй ситимнэ производство эбийиэктэрин уо.д.а. холбооһуҥҥа туттуохха сөп.

Докумуону кыттааччы кумааҕы көрүҥүнэн туттарар эбэтэр бэрэстэбиитэлэ дэбиэринэһинэн  уонна (эбэтэр) “Единая система электронного документооборота” (http://esed.sakha.gov.ru/)ситиминэн электроннай көрүҥүнэн докумуон оригиналларын ыытыахпыт диэн быһаарыы суруктаах ыытар. «Единая система электронного документооборота» (http://esed.sakha.gov.ru/) ситимҥэ докумуоннар киириилэрин күнэ-дьыла уонна бириэмэтэ олохтоох бириэмэнэн тахсар.

Сайабылыанньалары уонна докумуоннары СӨ Тыа хаһаайыстыбатын министиэристибэтэ маннык аадырыска тутар: 677000, Саха Өрөспүүбүлүкэтэ, Дьокуускай к., Курашов уул, 28, 212 №-дээх кэбиниэт,  үлэ күнүгэр 9.00 чаастан 18.00 ч диэри, эбиэт кэмэ: 13.00-14.00 диэри.

Билсэр төлөпүөн: : 8 (4112) 506668, 8 (4112) 506689.

СӨ Тыа хаһаайыстыбатын министиэристибэтин пресс-сулууспата

+1
0
+1
0
+1
0
+1
0
+1
0
+1
0
+1
0