«АГРОСТАРТАП»: Граны 38 саҥа саҕалыыр бааһынай ылла

Ааптар: 
Бөлөххө киир:

Быйылгы «Агростартап» гранын куонкуруһугар 140 сайабылыанньа бэриллибититтэн ситэтэ суох докумуоннаахтар туоратыллан, куонкуруска 122 саҥа саҕалыыр бааһынай киллэриллибитэ.

edersaas.ru

Бүгүн куонкурус түмүгэ таһаарыллан, граны 38 киһи ылбыта билиннэ. Тыа хаһаайыстыбатын миниистирин солбуйааччы, куонкурус хамыыһыйатын салайааччы Николай Афанасьев этэринэн, грант ылбыттар кэккэлэриттэн 16 киһи ынах сүөһүнү, 11 киһи сылгыны иитиигэ, 5 киһи көтөр салаатыгар, 3 киһи сиртэн үүнээйини ылыыга үлэлииллэр, ону сэргэ биир табаһыт уонна биир балыксыт бааллар. «Агростартап» грана «Дьоҕус уонна орто урбаан итиэннэ биирдэм урбаан көҕүлээһинин сайыннарыы» национальнай бырайыак чэрчитинэн, 2019 сылтан үлэлиир. Быйыл бу бырагырааманан 107 мөл. 904 тыһ. солк көрүллэн, куонкуруска кыайбыт 38 киһи хайысхаларынан тутулуктанан 5,7 мөл. солк тиийэ субсидияны ылыахтара. Кыайыылаахтары эҕэрдэлиибит, ситиһиилээх үлэни баҕарабыт.

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0