Тыа хаһаайыстыбатын министиэристибэтигэр «Агростартап» гранын куонкуруһугар докумуоннары хомуйуу түмүктэнэн, сарсыҥҥыттан кыайыылаахтары быһаары саҕаланар.
edersaas.ru
Өрөспүүбүлүкэ араас улуустарыттан барыта 157 сайаапка киирбититтэн, куонкуруска ситэри докумуоннаах 94 киһи киллэриллибитэ. Ол иһигэр Чурапчы улууһуттан аҕыс киһи – Потапов Василий, Боякинов Владимир (Кытаанах), Алексеев Руслан (Төлөй), Попов Михаил (Хатылы), Крылов Сергей (Болтоҥо), Тимофеев Ким, Попов Михаил уонна Попов Александр (Алаҕар) баалларын улуус дьаһалтата иһитиннэрэр.
Быйыл бу бырагырааманан 116 мөл., ол иһигэр федеральнай бүддьүөттэн 87 мөл., өрөспүүбүлүкэттэн 28,9 мөл. солк. көрүллэр. Хамыыһыйа мунньаҕа видеокэмпириэнсийэ киэбинэн от ыйын 6-8 күннэригэр ыытыллар. Куонкуруска кыайбыттар хаһаайыстыбаларын сайыннарыыга хайысхаларынан көрөн, 6 мөл. солк тиийэ көмөнү ылыахтара.
Раиса Сибирякова, «Саха сирэ» хаһыат, edersaas.ru