“Агростартап – 2020”: 94 киһи күрэстэһиэҕэ

Ааптар: 
Бөлөххө киир:

Тыа хаһаайыстыбатын министиэристибэтигэр «Агростартап» гранын куонкуруһугар докумуоннары хомуйуу түмүктэннэ.

edersaas.ru

Өрөспүүбүлүкэ араас улуустарыттан барыта 157 сайаапка киирбититтэн, куонкуруска ситэри докумуоннаах 94 киһи киллэрилиннэ. Куонкурус түмүгүнэн кыайбыттар хаһаайыстыбаларын сайыннарыыга хайысхаларынан көрөн, 6 мөл. солк тиийэ көмөнү ылыахтара. Быйыл бу бырагырааманан 116 мөл., ол иһигэр федеральнай бүддьүөттэн 87 мөл., өрөспүүбүлүкэттэн 28,9 мөл. солк. көрүллэр. Хамыыһыйа мунньаҕа видеокэмпириэнсийэ киэбинэн от ыйын 6-8 күннэригэр ыытыллыаҕа.

Санатан эттэххэ, «Дьоҕус уонна орто урбаан итиэннэ биирдэм урбаан көҕүлээһинин өйөөһүн» национальнай бырайыак, «Федерация өйөбүлүн ситимэ» эрэгийиэннээҕи бырайыак чэрчилэринэн тэриллэр «Агростартап» грана былырыын 41 бааһынай хаһаайыстыба баһылыгар бэриллибитэ.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0