Тыа сиригэр, кыра куоракка олорор, үөрэнэр дьоҥҥо анаан РФ Тыатын хаһаайыстыбатын уонна Үөрэҕириитин министиэристибэлэрэ «АГРОНТИ» диэн Бүтүн Арассыыйатааҕы күрэһи биллэрэллэр.
Күрэс түөрт хайысханан ыытыллыаҕа: агрокоптер, агророботтар, агрокосмос уонна агрометео.
Саха судаарыстыбаннай Тыа хаһаайыстыбатын академията күрэс өрөспүүбүлүкэтээҕи түһүмэҕин ыытарын биллэрэр.
Кыттыан баҕалаахтар кулун тутар 31 күнүгэр диэри академия саайтыгар онлайн-регистрацияны ааһыаххытын наада, ону таһынан дойду күрэһин саайтыгар иккис регистрацияны ааһар булгуччу ирдэнэр.
Күрэскэ кыттыбыттарга туоһу сэртипикээттэри ыытыахтара.
Бастыҥ үлэлэр Саха судаарыстыбаннай академиятыгар уонна дойду атын бастыҥ тыа хаһаайыстыбатын үөрэхтэрин кыһаларыгар киирэргэ тус бааллары ылыахтара.
Дойду «АгроНТИ» күрэһин бүтэһик түһүмэҕэ Москваҕа «Золотая осень» быыстапкаҕа ыытыллыаҕа.
? ysaa.ru/olimpiada
? kids.agronti.ru
? sakhaagronti@mail.ru
https://www.instagram.com/p/B98IjTGANzh/