Маны аах Тыа хаһаайыстыбата

Аграрийдар ойуур баһаарын умуруорууга көмөлөһөллөр

Тыа хаһаайыстыбатын хампаанньаларын уонна тэрилтэлэрин үлэһиттэрэ ойуур баһаарын умуорууга көмөлөһөртөн туора турбаттар.

 

Ол курдук, мелиорация тэрилтэтэ Үөһээ Бүлүү, Ньурба, Уус Алдан уонна Бүлүү улуустарыгар үс бульдозеры, икки экскаваторы биэрдэ. «Дьокуускайдааҕы килиэп кэмбинээтэ» АУо Горнайга уонна Намҥа турбут уоту умуруорууга үлэлиир биригээдэлэри килиэбинэн хааччыйар, «Баҕарах» ХЭТ, «Саюри» ХЭТ, «Ний А.С.», «Менякова Г.В.», «Ким В.Р» бааһынай хаһаайыстыбалара уонна «Дьокуускайдааҕы үүт собуота» ХЭТ аһынан-үөлүнэн көмөлөстүлэр. «Котрус» бааһынай хаһаайыстыбата горнайдарга булууктаах тыраахтары, «Сахаагроплем» «Сайгак» мааркалаах массыынаны, «Туймаада экопиэрмэ» икки үлэһити, «Сахабулт» АУо 40 устуука матарааһы ыыттылар.

«Якутоптторг» АУо 321 тыһ. солк. суумалааах аһынан-үөлүнэн көмөлөстө, «Дьокуускайдааҕы көтөр фабриката» АУо куурусса этэ, сымыыт ыыппытын таһынан, эрэһиинэ бэрчээккилэри, саппыкылары, футболкалары, утуйар мөһөөччүктэри, баһаарынньык суумкаларын биэрдэ.

«Туймаада» ҮАПК Маҕараска 12 үлэһити итиэннэ 230 киһиэхэ бэлэмнэммит итии аһылык нобуорун ыытта. Тыа хаһаайыстыбатын министиэристибэтэ 100 тыһ. солк. суумалаах баһаарынньык суумкаларынан, респиратордарынан көмөлөстө.

Раиса Сибирякова, «Саха сирэ», edersaas.ru

0
0