Быйыл Арктикатааҕы агротехнологическай судаарыстыбаннай университет төлөбүрдээх күнүскү үөрэҕэр киирээччилэр, сүрүн үөрэх бырагырааматын ылыы иитинэн босхо оробуочай идэлэргэ үөрэнэр кыахтаннылар.
“Устудьуон сүрүн дипломун ыларын таһынан, университет иһинэн Ситимнээх профессиональнай үөрэх институтугар (Институт непрерывного профессионального образования) оробуочай идэни талан үөрэнэн, сибэдиэтэлистибэ ылыан сөп”, — диэн АГАТУ киин тутар хамыыһыйатын начаалынньыгын солбуйааччы Марфа Филимонова этэр.
Сыыры оҥоруу, контролер-кассир, биэкэр, сылгыһыт, табаһыт, массыына өрөмүөнүн силиэсэрэ, мас кэрдээччи, хочуолунай оператора, илиинэн иһэрдии электросыбаарсыга, о.д.а. хайысхаларга оробуочай идэлэри баһылыахха сөп.
Ону тэҥэ, күнүскү үөрэххэ төлөөн туттарсааччыларга төлөбүр сыллааҕы сууматын икки өлүүгэ арааран уонна кэтэхтэн төлөбүрдээххэ туттарсааччыларга сиэссийэ иннинэ төлүүллэригэр кыах бэриллэр.
Өскөтүн күнүскү үөрэххэ туттарсар киһи сыллааҕытын биирдэ ууран биэрэр түгэнигэр, 5 % чэпчэтии, онтон икки уонна онтон элбэх сыллааҕытын төлүүр түгэнигэр 10 % чэпчэтии көрүллэр.
Үөрэххэ туттарсыы быраабылатын сиһилии АГАТУ www.agatu.ru саайтыгар көрүөххүтүн, докумуоҥҥутун ыытыаххытын сөп.
Бары интэриэһиргиир ыйытыыларгытын киин тутар хамыыһыйаттан +7(968)154-49-82, +7(4112)50-79-76 нүөмэрдэринэн чопчулаһыҥ, ону тэҥэ, abiturient@agatu.ru аадырыһынан суруккутун ыытыҥ.
agatu.ru саайтыттан.