Аgatu.ru саайт үлэтин саҕалаата
· - Олох-дьаһах

Аgatu.ru саайт үлэтин саҕалаата

Бүгүн, ыам ыйын 11 күнүгэр, Арктикатааҕы судаарыстыбаннай агротехнологическай университет  www.agatu.ru диэн саайтын сүрэхтээтэ. Саайт ыччакка ананна.

Арктикатааҕы судаарыстыбаннай агротехнологическай университет бэс ыйын 15 күнүттэн абитуриеннартан докумуоннары тутан саҕалыыр. Саайтка киирэн, «Личный кабинет абитуриента АГАТУ» диэн талан, докумуоннар электроннай барыйааннарын ыытыахха сөп. Таҥааччылар туһанааччыларга анаан, төһө кыалларынан, саайты судургу уонна өйдөнүмтүө оҥордулар.

Иитэр үлэҕэ уонна уопсастыбаннаһы кытта сибээскэ проректор Василина Лукина: «Туһанааччы саайтка киирэн «мунуо» суохтаах, барыта биир сырыыттан табыллыахтаах. Биһиги кэм ирдэбилин кытта тэҥҥэ хардыылыахтаахпыт«, — диэн санаатын этэр.

Университет үлэһиттэрэ пандемиянан сибээстээн, абитуриеннартан докумуоннары тэйиччиттэн (дистанционно) олорон туталлар. Ол курдук,  «Мои документы», abiturient@agatu.ru электроннай буоста, буоста уонна agatu.ru саайт нөҥүө ыытыахха сөп.

edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

четыре + 12 =