АГАТУ волонтёрдара — үтүө дьыала куонкуруһун кыайыылаахтара

Ааптар: 
Бөлөххө киир:

АГАТУ волонтёрдара дойдуга ыытыллыбыт үтүө дьыала куонкуруһун кыайыылаахтарынан буоллулар.

Бу нэдиэлэҕэ СӨ ыччат министиэристибэтэ кэмиэрчэскэйэ суох тэрилтэлэр бэрэстэбиитэллэрин — Бүтүн сойуустааҕы куонкурс кыайыылаахтарын кытта граны ылыыга илии баттаста. Ол курдук, АГАТУ волонтердара «Үтүө дьыала эригийиэнэ» дойдуга ыытыллыбыт куонкуруска кыайыылааҕынан таҕыстылар. Докумуон чэрчитинэн ыччаттар бэйэлэрин бырайыактарын олоххо киллэриэхтэрэ. Бу туһунан үрдүк үөрэх кыһатын пресс-сулууспата иһитиннэрдэ.
Кыайыылаах волонтер киинэ — «Академия волонтера» тэрилтэ 800 тыһыынча солкуобайы бэйэлэрин бырайыактарын олоххо киллэриигэ туттуохтара. Ол эбэтэр, АГАТУ волонтёрдара дьиэ сүөһүлэрин иитиигэ-харайыыга үөрэтиэхтэрэ. Үөрэтии АГАТУ ветеринарнай медицина факультетын баазатыгар ыытыллыаҕа. Бырайыак сүрүн тэрээһининэн быйыл ахсынньыга ыытыллар өрөспүүбүлүкэтээҕи «Хоту дойду сылааһа» үөрэхтээһин пуорума буолуоҕа. Манна волонтердар ветеринария, кинология, зоопсихология төрүттэригэр үөрэниэхтэрэ. Бүтүн сойуустааҕы «Үтүө дьыала» куонкуруһа волонтёрдарга тустаах усулуобуйаны тэрийэр инниттэн «Үөрэхтээһин» бырайыак чэрчитинэн ыытыллар.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0