Бэҕэһээ, балаҕан ыйын 14 күнүгэр, АГАТУ үөрэнэр-лабораторнай куорпуһугар Хабаровскай кыраай Тыатын хаһаайыстыбатын министиэристибэтин бэрэстэбиитэллэрин кытары көрсүһүү буолла.
edersaas.ru
– Биһиэхэ аграрнай хайысхалаах исписэлиистэри бэлэмниир үрдүк үөрэх кыһата суох, – диэтэ Хабаровскай кыраай тыатын хаһаайыстыбатын министиэристибэтин каадыры кытары үлэҕэ управлениетын начаалынньыга Юлия Жукова.
Ити иһин кыраай салалтата бу үрдүк үөрэх кыһатын кытары бииргэ үлэлииргэ сөбүлэһии түһэрсибитин эттэ. Хабаровскай кыраайга 70 АПК тэрилтэтэ, 465 бааһынай (фермер) хаһаайыстыба итиэннэ 48 тыа хаһаайыстыбатын потребительскэй кэпэрэтиибэ баарын, кинилэр үлэлэрин-хамнастарын, көрдөрүүлэрин туһунан сырдатта, ханнык идэлээх исписэлиистэргэ наадыйыы улаханын быһаарда. Бу туһунан АГАТУ пресс-сулууспата иһитиннэрэр.