АГАТУ оройуонугар ыттары туттулар

Бөлөххө киир:

Бэҕэһээ, тохсунньу 1 күнүгэр, социальнай ситимнэргэ Дьокуускайга Билибин аатынан уулусса 26-с дьиэтигэр  ыты тутар биригээдэлэргэ ытырыык ыттары ыыппыттарын туһунан сурах тарҕаммыта.

Куорат дьаһалтатын пресс-сулууспата иһитиннэрбитинэн, чат-бот нөҥүө кэлбит сурраҕынан ыты тутар биригээдэ суһаллык ыйыллыбыт аадырыска тиийбит. Ыты тутар биригээдэ хабыр майгылаах ыты тутан баран анал массыына кэлиэр диэри ыты маҕаһыын верандатыгар хаайбыттар. Онуоха «Бу биһиги ыппыт» диэн кыыһыран, дьоҥҥо саанан туран ыты босхо ыыппыттар. Миэстэтигэр суһаллык полиция үлэһиттэрэ кэлэн күлүгээннээһин иһин административнай боротокуол толоруллубут.
Маны сэргэ, бүтэһик сууккаҕа АГАТУ оройуонугар аҕыс ыт тутуллубутун туһунан куорат уокуругун суһал быһыы-майгы управлениетын (ГОиЧС) салайааччы Николай Егоров иһитиннэрбит. Тутуллубут ыттары вируснай ыарыыга бэрэбиэркэлиэхтэрэ. Төһө да бырааһынньык күннэрин иһин. Ыттары тутууга күүстээх үлэ тохтообокко ыытыллар диэн куорат дьаһалтата иһитиннэрэр.

Ульяна ЗАХАРОВА.

Хаартыска интернет ситимиттэн туһанылынна.

+1
0
+1
0
+1
0
+1
0
+1
0
+1
0
+1
0