АГАТУ бастакы кууруһун устудьуоннарыгар истипиэндьийэ олохтонно

Арктикатааҕы судаарыстыбаннай агротехнологическай университет (АГАТУ) учуонай сэбиэтин мунньаҕынан, бастакы куурус устудьуоннарыгар үрдүк истипиэндьийэни биэрэри олохтоотулар.

Үрдүк истипиэндьийэни ылар оҕо, үөрэххэ туттарсарыгар, БКЭ үрдүк бааллаах буолуохтаах.

Маннык истипиэндьийэ талааннаах ыччаты көҕүлүүр аналлаах:

—10 000 солкуобайы, атын тус ситиһиитин аахпакка туран, БКЭ түмүгүнэн 280 бааллаах устудьуон ылыаҕа;

— 9 000 солкуобайы, атын тус ситиһиитин аахпакка туран, БКЭ түмүгүнэн 250-тэн 279-кэ диэри бааллаах устудьуон ылыаҕа;

— 8 000 солкуобайы, атын тус ситиһиитин аахпакка туран, БКЭ түмүгүнэн 180-тан 249 диэри бааллаах устудьуон ылыаҕа;

Бу истипиэндьийэ  академическай истипиэндьийэҕэ эбии бэриллиэҕэ.  Үөрэх бастакы семестрин устатыгар төлөнүөҕэ.

АГАТУ пресс-сулууспата