Маны аах Үөрэх уонна наука

АГАТУ балаҕан ыйын 1 күнүттэн үөрэх дьылын саҕалыыр

Үөрэнии үгэс буолбут көрүҥэр АГАТУ устудьуоннара түһүмэҕинэн киириэхтэрэ.

edersaas.ru

Күн бүгүҥҥү туругунан, АГАТУ үлэһиттэрин 78,2 % COVID-19 дьаҥы утары быһыыны ыллылар. Билигин уоппускаҕа сылдьааччылар үлэлэригэр таҕыстахтарына, бу көрдөрүү 100 % буолуоҕа. Ректор э.т. атырдьах ыйын 25 күнүгэр тахсыбыт бирикээһин быһыытынан, балаҕан ыйын 1 күнүттэн бастакы уонна бүтэһик куурустар (бакалавриат, специалитет) устудьуоннара итиэннэ магистраннар үөрэхтэрэ саҕаланыаҕа. Атын куурустар балаҕан ыйын 1 күнүттэн тэйиччиттэн, балаҕан ыйын 13 күнүттэн үгэс буолбут көрүҥүнэн үөрэниэхтэрэ.

АГАТУ иһинэн анал орто үөрэх кыһатыгар орто оскуола кэнниттэн киирбит устудьуоннар балаҕан ыйын 13 күнүттэн үгэс буолбут көрүҥүнэн үөрэниэхтэрэ, оттон тохсус кылаас кэнниттэн киирбиттэр балаҕан ыйыгар тэйиччиттэн, алтынньы 4 күнүттэн үгэс буолбут көрүҥүнэн үөрэниэхтэрэ. Кэтэхтэн үөрэнэр устудьуоннар бары тэйиччиттэн үөрэнэллэр. Бирикээһи уонна кыраапыгы www.agatu.ru сайтка билсиҥ диэн АГАТУ иһитиннэрэр.

Раиса Сибирякова, «Саха сирэ» хаһыат, edersaas.ru

0
0