Уопсастыба

Агаси Тавадян: «Хамсык кэлэр сыл аҥаарыттан намтаан барыаҕа»

Арассыыйаҕа ааспыт хонукка 27 328 киһи коронавирустаабыта биллибит. Дойдуга барыта 2,681 мөлүйүөн киһи бу ыарыыга сутуллубут. Олортон 47,4 тыһыынча киһи өрүттүбэтэх (ааспыт сууккаҕа 450 киһи). 2,1 мөлүйүөн ыалдьыбыт киһи хамсык саҕаланыаҕыттан үтүөрбүт.

Экэниэмикэ чинчийиилэрин киинин эспиэрэ Агаси Тавадян этэринэн, Арассыыйаҕа COVID-19 тарҕаныытынан ыарахан балаһыанньалаах эрэгийиэннэр хаалбатахтар. Москваҕа балаһыанньа чэпчиир таһымыгар чугаһаабыт, Санкт-Петербурга ыарыы таһыма орто ыарахан. Ону таһынан Тавадян этэринэн, вакцина тута көмөлөһөрүн күүтэр сатаммат. Арассыыйа олохтоохторуттан аччаабыта 70 % киһи прививканы ыллаҕына вакцина көдьүүһэ көстүөхтээх. Онон хамсык намтааһынын кэлэр сыл ортотугар күүтүөххэ сөп диир эспиэр.

Хаартыска  https://gbsv.ru

«Саха сирэ» хаһыат, edersaas.ru

0
0
Telegram Whatsapp

Добавить комментарий