Аҕам саастах дьоҥҥо анаммыт дэкээдэ СӨ Национальнай бибилэтиэкэтэ «50+ саастаах биэнсийэлээх дьоҥҥо анаан көмпүүтэри баһылааһыҥҥа үөрэх» диэн маастар-кылааһы тэрийэн ыытыаҕа.
Сүрүннээн күннээҕи олоххо туттуллар ханнык бырагыраамалары үөрэтэллэрин туһунан бибилэтиэкэр Полина Томтосова бу курдук иһитиннэрдэ:
— Алтынньы 9-11 күннэригэр 11 ч. Национальнай бибилэтиэкэҕэ балтараа чаастаах “Google”; “2ГИС”; “Умный транспорт”; “Youtube”; “Indriver”;“Водовозки”;“Юла”;“Ватсап”; “Инстаграм” курдук анал сыһыарыылары баһылаан, аныгы олох тэтимин кытта биир тэҥҥэ хардыылыырга үөрэтиэхпит. Тэрээһиҥҥэ кыттыан баҕалаахтар 8-964-417-07-93 төлөпүөҥҥэ эрийэн, эрдэттэн исписэлиискэ суруттараргытыгар ыҥырабын.
Кылгас кэм иһигэр уопуттаах исписэлиистэр көмпүүтэр аптаах эйгэтин сүрүн сыһыарыыларын билиһиннэрэр олус туһалаах сүбэлэрин туһанан хаалыҥ!
Елена ПОТОЦКАЯ, «Саха сирэ» хаһыат. edersaas
Хаартыска — интэриниэттэн
+1
+1
+1
+1
+1
+1
+1