Аҕам саастаах дьоммут эдэр көлүөнэҕэ баҕа санааларын тиэрдэллэр

Бөлөххө киир:

Аҕам саастаах дьон норуоттар икки ардыларынааҕы күнэ 1991 сылтан алтынньы 1 күнүгэр бэлиэтэнэр. Кырдьаҕас дьоммут, эһээлэрбит, эбээлэрбит омукпут муудараһын, өбүгэлэрбит туһунан үтүө өйдөбүлү илдьэ сылдьар баар-суох ситиммит буолаллар. Дэлэҕэ даҕаны, норуот өс хоһоонугар  «кырдьаҕаһы хааһахха сүгэ сылдьан сүбэлэт» диэн этиллэр.

Ааҕыҥ, кырдьаҕастарбыт ыччакка анаабыт баҕа санааларын, үтүө тылларын!

Иван Иосифович Винокуров — Таатта улууһугар соҕотох хаалбыт Аҕа дойду улуу сэриитин кыттыылааҕа. Сэрии кэнниттэн холкуоска, сопхуоска эҥкилэ суох үтүө суобастаахтык үлэлээбитэ. Кэргэнэ Анастасия Лукиничналыын 10 оҕону төрөтөн, иитэн, үөрэттэрэн, ыал оҥортообуттара. Таатта улууһун, Алдан нэһилиэгин бочуоттаах олохтооҕо, СӨ «Ытык аҕа» бэлиэ хаһаайына.

Виктор Васильевич Неустроев — Таатта улууһун Уус-Тааттатын олохтооҕо. Сэрии кэмигэр улахан дьону кытта тэҥҥэ холкуоска үлэлээбитэ. Аармыйаҕа Курильскай арыыларга сулууспалаабыта. Милииссийэҕэ, сибээс тэрилтэтигэр, ньиэп баазатыгар үлэлээбитэ. Улахан дьиэ кэргэн аҕата, эһээтэ, хос эһээтэ.

Фатина Максимовна Федорова — тыыл уонна үлэ бэтэрээнэ, элбэх оҕолоох ийэ, улахан дьиэ кэргэн эбээтэ. Сунтаар улууһун Кутана нэһилиэгин бочуоттаах олохтооҕо, Сунтаар улууһун бочуоттаах бэтэрээнэ.

Иосиф Иннокентьевич Иванов — Кэбээйи улууһун Мукучутун олохтооҕо, тыыл бэтэрээнэ. Куруутун сатыы хааман, сылгыларын көрөр-истэр. 4 кыыстаах, сиэннэрдээх.

Петр Николаевич Захаров — Кэбээйи улууһун Сиэгэн Күөлүн олохтооҕо, тыыл бэтэрээнэ, «Гражданскай килбиэн» , «СӨ бочуоттаах бэтэрээнэ», «СӨ Ытык кырдьаҕаһа (Ытык субэ)» бэлиэлэр наҕараадалаах. РФ Суруналыыстарын сойууһун чилиэнэ (хаартыскаҕа — уҥата).

Егор Васильевич Готовцев — Кэбээйи улууһун Сиэгэн Күөлүн олохтооҕо, тыа хаһаайыстыбатын бэтэрээнэ, сэрии кэмин оҕото. “Гражданскай килбиэн” бэлиэлээх, Кэбээйи улууһун бочуоттаах олохтооҕо (хаартыскаҕа хаҥас олорор).

Ульяна Кирилловна Аржакова — Дьокуускай Тулагытын олохтооҕо. Сааһын тухары «Якутскай» сопхуоска ыанньыксытынан үлэлээбитэ. Сахалыы хаһыаты, кинигэни ааҕарын сөбүлүүр.

Екатерина Михайловна Гоголева — Таатта улууһун Уус-Тааттатын олохтооҕо. 26 сыл устата холкуоска, сопхуоска ыанньыксытынан үлэлээбитэ. “Бочуот знага” уордьанынан, «Коммунистическай үлэ ударнига» бэлиэнэн наҕараадаламмыта.

Мария Семеновна Максимова биология, химия учууталынан, Таатта улууһун Алдан нэһилиэгин Сэбиэтин бэрэссэдээтэлинэн үлэлээбитэ. Таатта улууһун, Алдан нэһилиэгин бочуоттаах олохтооҕо. Улахан дьиэ кэргэн ийэтэ, эбээтэ, хос эбээтэ.

Мария Кирилловна Афанасьева — Сунтаар улууһун Кутанатын олохтооҕо, «Ийэ албан аата» уордьан 1-кы, 2-с, 3-с испиэпэннээх кавалера, кооперация туйгуна, социалистическай куоталаһыы кыайыылааҕа.

Таисия Алексеева, keskil14.ru саайтан.

+1
0
+1
0
+1
0
+1
0
+1
0
+1
0
+1
0