Аан дойдутааҕы бэстибээл саха артыыстара оонньообут киинэлэринэн түмүктэннэ
Сахабыт сирин артыыстара биһиги бириэмэбитинэн бөөлүүн түүн Берлинале киинэ бэстибээлин түмүктүүр бырагырааматыгар аһаҕас кэпсэтиигэ кытыннылар.
Болгария режиссера Милко Лазаров 2017 с. олунньуга-муус устарга Саха сиригэр «Ага» (оробуочай аата «Нанук») диэн ааттаах киинэтигэр сүрүн оруоллары толорбут артыыстарбыт бэстибээл кыһыл көбүөрүнэн хаамтылар, көрөөччүлэр сэҥээриилэрин, хайҕалларын ыллылар. Онон Берлинале киинэ аан дойдутааҕы бэстибээлигэр сахалыы саҥа сатараата, сахалыы таҥас омуктар биһирэбиллэрин ылла.
Берлинале киинэ аан дойдутааҕы бэстибээлин сүрүн бырагыраамата саха артыыстара оонньообут «Ага» киинэлэринэн түмүктэннэ. Уруй-айхал буоллун талааннаах артыыстарбытыгар!
Надежда ЕГОРОВА, «Саха сирэ» хаһыат, edersaas.ru
+1
+1
+1
+1
+1
+1
+1