Айылҕа дьиктилэрэ күнтэн-күн элбээн иһэллэр. Ол курдук, балаҕан ыйын 8 күнүгэр Африкаҕа Sneeuberg Nature Reserve заповедникка хаар түспүт.
Бу күннэргэ интернет ситимнэригэр хаар устун хааман иһэр жирафалар, слоннар хаартыскалара тахсыбыта элбэх киһини соһутта. Айылҕаны кэтээн көрөөччүлэр этэллэринэн, Африкаҕа салгын тымныйыыта Европаттан кэлбит буолун сөп. Онно атырдьах ыйын бүтүүтүгэр итии күннэр эмискэ тымныйан, оннооҕор хаар түспүтэ. Австрия, Германия, Швейцария уонна Италия хайаларын сорох сирдэринэн хаар 40-50 см халыҥаабыт.
Санатан эттэххэ, от ыйыгар ЮАР Кейптаун куоратыгар хаар түспүтэ. 10 см халыҥнаах хаар ууллан, суол-иис бүтүннүү уу, бадараан буолан суолга массыыналар хаайтарыылара тахсыбыта. Маны таһынан, тобурах түһэн чыычаахтары уонна сибэккилэри өлөрбүтэ.
Николай Попов, «Саха сирэ» хаһыат, edersaas.ru