Бу күннэргэ СӨ Үлэ уонна социальнай сайдыы министиэристибэтин үлэһиттэрэ тэрилтэлэринэн сылдьан, үлэ кэлэктииптэрин кытта көрсөллөр.
Миниистири солбуйааччы Афанасий Постников бу тэрээһиннэр тустарынан санаатын маннык үллэһиннэ:
— Көрсүһүүлэргэ дьон РФ Бэрэсидьиэнэ Владимир Путин ыытар бэлиитикэтин өйүүллэрин биллэрэллэр.
Экэнэмиичэскэй сааҥсыйалары ыйыталаһаллар, дойду бэйэтэ оҥорон таһаарар бородууксуйата элбиирин биһирииллэр. Онно сыһыаннаах үгүс боппуруос киирэр.
Ону барытын быһааран биэрэбит, дьон да санаатын хото атастаһар.
Бүгүн быстах кэмҥэ олорор пууҥҥа шефтэһэр дьоммутун, Луганскай уобалас Лисичанск куоратыттан кэлбит 11 киһини көрсөн кэллибит. Олорор усулуобуйалара үчүгэй. Бу күннэргэ кинилэр докумуоннарын оҥотторо сылдьабыт, үлэлэрин быһаарыахпыт.
Ити курдук, үлэ кэлэктииптэригэр РФ Бэрэсидьиэнин өйүүр ис хоһоонноох көрсүһүүлэр, санаа атастаһыылара буола тураллар.
Елена ПОТОЦКАЯ, «Саха сирэ» хаһыат.