Афанасий Попов: «Тааттаҕа 200-тэн тахса олоҥхону толорооччу баар»

Бөлөххө киир:

Олоҥхо ыһыаҕар »Кылаан чыпчаал» бирииһи ылбыт олоҥхоһут Афанасий Попов Ил Дархан илиититтэн 700 тыһыынча солкуобай суумалаах сэртипикээтин тутаат, үөрүүтүн үллэһиннэ:


— Бу кыайыыбын төрөөбүт Тааттабар аныыбын. Тааттаҕа олоҥхо төрүттэммит, иитиэхтэммит дойдута буолан, билигин да элбэх олоҥхоһуттар бааллар. Ол онтон үөрэбин. Аҥаардас Тааттаҕа 200-тэн тахса толорооччу баар буолла. Сыл аайы эбиллэ турабыт.
Былырыын Баҕардыынап кыайбыта, сыл аайы таатталарга биэриэхтэрэ суоҕа дии санаабытым эрээри, ох курдук оҥостон, бэлэмнэнэн кэлбитим.
Ыһыах үрдүк таһымҥа буолан ааста, нэһилиэктэр наһаа үчүгэйдик көрүстүлэр, аһаттылар, далбарга сырыттыбыт, астынныбыт. Үөһээ бүлүүлэргэ үчүгэй ыһыаҕы тэрийбиттэригэр махтал!
Бүлүү эбэни көрөн олорон олоҥхолуур диэн ураты турук, санааҕа да астык буоллаҕа дии. Иккис күҥҥэ наһаа үчүгэй күн-дьыл туран биэрдэ, айылҕабыт маанылаата.
Олоҥхо ыһыаҕын таһыма сылтан сыл тупсан иһэр. Ил Дархан уурааҕын истэн, олоҥхоһуттар олус үөрдүбүт. Кырдьык да, тылбыт, олоҥхобут, төрүт култуурабыт сайдар олуга оҥоһулуннаҕа ханнык диэн эрэнэбин.

Ангелина Васильева, »Саха сирэ» хаһыат, edersaas.ru
Хаартыска: ааптар түһэриитэ.

+1
0
+1
0
+1
0
+1
0
+1
0
+1
0
+1
0