Афанасий Мигалкин: «Василий Мигалкин үлэтэ тюркологияҕа сүдү кылаат!»

Ааптар: 
Бөлөххө киир:

Афанасий Васильевич Мигалкин, академик, ХИФУ Сурук мусуойун дириэктэрэ, Василий Мигалкин бииргэ төрөөбүт инитэ:

— Ханнык баҕарар омук бу орто дойдуга бэйэтин тыла баар эрэ буолан омук ааттанан олорор. Төрөөбүт тыл, кини баайа омук инники кэскилин түстүүр. Убайым бу тылдьыты таҥыынан 1998 сылтан дьарыктаммытым диир. Дьиҥэр, кини ити сылтан дириҥник дьарыктанан барбыта. Тылы үөрэтиини 90-с сыллар саҕаланыылара үөрэтэн барбыта, дьиэтин иһэ тобус толору кинигэнэн туолан турар буолар этэ. Кини “Моделирование орфографии якутского языка” диэн кинигэтэ Германияҕа Саарбрюккен куоракка бэчээттэнэн тахсыбыта. Билигин сыралаах үлэ түмүгүнэн олус улахан суолталаах электроннай тылдьыта сүрэхтэттэ. Онон кини оҥорбут үлэтэ аан дойдутааҕы тюркологияҕа сүдү кылаат буолар. Ол эбэтэр саха тыла мировой наукаҕа укпут кылаата. Ону Василий Васильевич саха тылын формула курдук суоттаан таһааран киллэрдэ. Кини 1998 сылга оҥорбут үлэтэ атын түүр тыллаах омуктарга улахан сабыдыаллаах буолбута. Татарстан, Башкортостан, Узбекистан, Казахстан судаарыстыба таһымыгар кыһалҕаны өйдөөннөр, бэйэлэрин тылларын электроннай таҥыытынан дьарыктанан барбыттара. Биһиэхэ биир киһи кыайбыт үлэтин кинилэр судаарыстыба өйөбүлүнэн, улахан ааптардар кэлэктииптэрин тэрийэн оҥорбуттара. Василий Мигалкин научнай үлэтинэн, тылдьытынан саҕалаабыт бачыымын өссө сайыннара туоруохтаахпыт. Ону биһиги Бырабыыталыстыбабыт өйдүөх тустаах.

«Саха сирэ» хаһыат, edersaas.ru

Хаартыска «Сахалайф» саайтан

+1
0
+1
0
+1
0
+1
0
+1
0
+1
0
+1
0