Уопсастыба

Аэропортары тупсарыы туһунан

Өрөспүүбүлүкэҕэ 2024 сыл бүтүөр диэри аэропортары тупсарыыга, саҥардан оҥорууга далааһыннаах улахан сорук турар.

«16 аэропорду оҥоруу, саҥардыы үлэтэ ыытыллыаҕа», — диэн Ил Дархан Айсен Николаев Анал этиитигэр иһитиннэрдэ. Ол курдук, үүнэр сылтан сэттэ аэропортка үлэ тэҥҥэ барара, Дьокуускай пордугар балаһаны чөлүгэр түһэрии үлэтэ ыытыллара этилиннэ. Пассажирдары кытары үлэ хаачыстыбатын тупсарыы, айан куттала суох уонна киһиэхэ табыгастаах буолуутун боппуруостара бастакы кэккэҕэ тутуллаллар.

Ил Дархан СӨ Бырабыыталыстыбатыгар тырааныспар хампаанньаларын кытары пассажирдарга айаҥҥа табыгастаах буоларын курдук, альтернативнай схеманы тобулалларыгар сорудахтаата.

0
0

Добавить комментарий