“Батсаап” ситиминэн Дьокуускай аэропордугар баар суругу хаартыскаҕа түһэрэн тарҕаттылар. Көрдөххө, дьиҥнээх курдук.
edersaas.ru
Бу иннинэ Айхаллааҕы оскуола “ормо уерэхмээнин” диэн суруга тарҕаммыт буолан, дьон соһуйбат да буолбут. Ити курдук сыыһа суруллубут суруктаах хаартыскалары күнү быһа тарҕаттылар аҕай.
Оттон бу, ама, Дьокуускай аэропордугар маннык суруллан турара буолуо дуо?
Яна Байгожаева, Дьокуускай аэропордун пресс-сулууспатын салайааччы:
— Саха Өрөспүүбүлүкэтэ икки судаарыстыбаннай тыллааҕын быһыытынан, аэропорт суруга-бичигэ, биллэриитэ икки тылынан оҥоһуллар. Пресс-сулууспа үлэһиттэрэ биһиги онно быһаччы үлэлэһэбит. Онон сыыһа тахсааччыта суох.
Бу суругу “фотошобунан” соруйан сыыһа оҥорон баран, тарҕаппыттара хомолтолоох. Дьиҥинэн, биллэн турар, 2015 сылтан сөпкө суруллан турар.
Ангелина Васильева, “Саха сирэ” хаһыат, edersaas.ru