Сахабыт сирин киин куоратын, Дьокуускай, аэропордугар кустук араас өҥүнэн дьэргэйэр сүдү талаан, өркөн өй, норуотун кэлэр кэскилин кэрэһилээбит ытык киһибит П.А.Ойуунускай аата иҥэриллэрин туһугар куоластаабыт биир санаалаахтарбытыгар барҕа махтал буолуохтун!
edersaas.ru
Саха дьоно атахтарыгар туран сайдыы сырдык аартыгар үктэнэрбитигэр сирдиир сырдык сулус буолан чаҕылыйбыт сүдү киһибит аатын иҥэриибит омук быһыытынан дьоһуммутун туоһулуур. Аэропорка улуу киһибит аата иҥэриллиитэ оройуоннаспакка, улуустаспакка, өрөспүүбүлүкэбит Ил Дарханын Айсен Николаевы тула биир ньыгыл түмсүүлээхпитин чаҕылхайдык көрдөрдө.
Кылгас суруйуубун Былатыан Ойуунускай алгыһынан түмүктүүбүн:
Чээ дуо,
Чэл бараан!
Түөрэххитин түһэрдим,
Төлкөҕүтүн олортум!
Үс саха буолан үөскээн үөдүйүҥ,
Түөрт саха буолан төрөөн тэнийиҥ!
Саас-үйэ тухары самныбат саргыланыҥ!
Одун хаантан охтубат оҥорууланыҥ!
Бүлүүттэн тыыл бэтэрээнэ Григорий Сивцев «Саха сирэ» хаһыат edersaas.ru саайтыгар анаан.
+1
+1
+1
+1
+1
+1
+1