Доруобуйа

Аэропорка коронавируска экспресс-тест пууна үлэлээтэ

Тохсунньу 13 күнүттэн «Дьокуускай» аэропорка иммунохроматографическай анаалыстааһын (ИХА) ньыматынан экспресс-тест оҥоруу пууна үлэлээтэ

Арассыыйа киин эрэгийиэннэриттэн  кэлэр пассажирдар коронавируска босхо тесты ааһыахтарын сөп. Чинчийиини Дьокуускай куорат 2 №-дээх балыыһатын үлэһиттэрэ ыыталлар.

ИХА ньыматынан ыытыллар тест сүрүн барыстаах өрүтэ түргэнигэр сытар – ыарыы баарын эбэтэр суоҕун аҕыйах мүнүүтэ иһигэр быһаарыллар. Ол эрэн, бу тест түмүгүнэн бүтэһик диагноз туруоруллубат. Тест пассажирга “положительнай” түмүгү көрдөрдөҕүнэ, салгыы чинчийиини барарыгар анаан обсерваторга барарга направление биэрэллэр.

Экспресс-тест пууна  аэровокзал бастакы этээһигэр таһаҕас биэрэр саалатыгар турар. Пуун үлэтин кэмэ: күн ахсын  06:00-10:00 чааска  диэри, бу кэмҥэ аэропортка киин рейстэр үгүстэрэ кэлэллэр. Пуун үлэтин эрэсиимэ инникитин уларыйыан сөп.

«Саха сирэ» хаһыат, edersaas.ru

Хаартыска ЯСИА

0
0
Telegram @edersaas20