Бу күннэргэ РФ Бырабыыталыстыбатын анал хамыыһыйата аччыгый уонна орто урбааны сайыннарарга диэн сөптөөх кэккэ быһаарыылары ылынна.
— Ол курдук, аччыгый уонна орто урбаан бырайыактарын сайыннарыыга бүддьүөттэн 3 млрд. солк кэриҥэ көрүллүөҕэ. Бу мэхэньиисимин РФ экэниэмикэни сайыннарыыга уонна үпкэ министиэристибэлэрэ бэс ыйын 14 күнүгэр диэри оҥорон киллэриэхтээхтэр.
— Бородууксуйаны судаарыстыбаннай регистрациялааһын өссө судургутутуллуоҕа. Ол 30 күҥҥэ диэри кыччыахтаах. Бу — бэс ыйын 15 күнүгэр диэри быһаарыллыаҕа.
— Сыл бүтүөр диэри СБП-ны (түргэн төлөбүр систиэмэтэ) туһаныы бырагырааматын кэмпинсээссийэтэ уһатыллыа. Тустаах дьаһал от ыйын 4 күнүгэр диэри оҥоһуллуоҕа.
— От ыйын 1 күнүгэр диэри «МСП Баантан» аччыгый уонна орто урбаан бэрэстэбиитэллэрэ чэпчэтиилээх кирэдьиити ылаллара хааччыллыаҕа.
— Тэрилтэлэр бырамыысыланнай тутааччылартан хамсаабат баайы-дуолу 5 бырыһыан ставкалаах чэпчэтиилээх ипэтиэкэнэн туһанар кыахтаныахтара.