Уопсастыба

Аччыгый Ботуобуйаҕа муоста 70% бэлэм, онтон Түүкээҥҥэ?

«Бүлүү» федеральнай суолугар Түүкээн уонна Аччыгый Ботуобуйа үрэхтэри туоруур муосталар бу сыл бүтүүтэ үлэҕэ киллэриллиэхтээхтэр.

edersaas.ru

Аччыгый Ботуобуйа муостата Сунтаар уонна Мииринэй улуустарын кыраныыссатыгар тутуллар. Муоста уһуна 191,8 погоннай миэтэрэ, муостаҕа киирии суоллары аахтахха — 2,71 км. Тутааччылар номнуо бүтэһик түһүмэххэ киирдилэр.

Аччыгый Ботуобуйа муостата.

Оттон Түүкээн муостата Үөһээ Бүлүү уонна Ньурба кыраныыссатыгар тутуллар. №2 уонна  №3  опоралар туруорулуннулар. Билигин №4 опораны бетоннааһын үлэтэ ыытыллар. Тутуу тиэхиньиичэскэй бэлэмэ 40%. Муоста уһуна  — 267 погоннай миэтэрэ (подходтары аахтахха  — 4 км).

«Бүлүү» федеральнай суолун управлениетын пресс-сулууспата иһитиннэрэринэн, бу сыл бүтүүтэ муосталарынан айан-сырыы олохтонуоҕа. Санатан эттэххэ, туһааннаах үлэлэр «Комплексный план модернизации и расширения магистральной инфраструктуры» национальнай бырайыак иитинэн ыытыллаллар.

edersaas.ru

0
0
Telegram @edersaas20

Добавить комментарий