Абый уонна Өлөөн хамаандаларын бэрэстэбиитэллэрэ дьаҥнаабыттара билиннэ

Бөлөххө киир:

«Манчаары оонньууларын» мандаат хамыыһыйатын үлэтэ бүгүн түмүктэннэ. Тэрийээччилэр бэлиэтээбиттэринэн, күрэхтэһиигэ барыта 40 хамаандаттан 1899 кыттааччы ааспыт. 

Кыттааччылары СӨ Успуорка уонна физическэй култуураҕа, Доруобуйаҕа министиэристибэлэрэ, Роспотребнадзор салалтатын үлэһиттэрэ күрэхтэһиигэ аһартылар.

Мандаат үлэтин түмүгүн туһунан СӨ Бырабыыталыстыбатын бэрэссэдээтэлин солбуйааччы, «Манчаары оонньууларын» тэрийэр кэмитиэт бэрэссэдээтэлэ Сергей Местников маннык иһитиннэрдэ:

— «Манчаары оонньууларыгар» кыттааччылары аһардыы сүрүн ирдэбиллэринэн коронавируһу утары быһыыны ылбыт эбэтэр дьаҥ суоҕун бигэргэтэр ПЦР-анаалыс буоллулар. 1899 киһиттэн 70% киһи вакцина ылбыт, оттон 30% киһи ПЦР-анаалыс туттарбыт.

Бэҕэһээ икки хамаанда бэрэстэбиитэллэрин ПЦР-анаалыстарын түмүгэ дьаҥ баарын көрдөрдө. Бу — Абый уонна Өлөөн улууһун хамаандалара. Тэрийээччилэр хамаанданы барытын буолбакка, вакцината суох кыттаччылары эрэ күрэхтэһииттэн уһуллулар.

Айтана Аммосова, edersaas.ru

+1
0
+1
0
+1
0
+1
0
+1
0
+1
0
+1
0