Уопсастыба

Абыйтан төрүттээх биир дойдулаахтар истиҥ көрсүһүүлэрэ

Ааспыт өрөбүл күннэргэ “Биир ньыгыл Арассыыйа” политическай баартыйа муус устар 15 күнүгэр тэрийэн ыыппыт барыллаан быыбарыгар биир мандааттаах Арктикатааҕы быыбардыыр уокурукка кыайыылааҕынан тахсыбыт, баартыйата суох Иван Ребров Дьокуускайга олорор Абыйтан төрүттээх биир дойдулаахтарын кытары көрүстэ.

edersaas.ru

Ол иһигэр араас тэрилтэлэр салайааччылара: В.В.Борзов, И.А.Суздалов, М.Г.Никулин, О.В.Неустроев, М.А.Томскай, биирдэм предпринимателлэр: А.Г.Черемкин, А.И.Старостин, Е.И.Новиков, култуура уонна спорт эйгэтин үлэһиттэрэ: биллиилээх бөҕөс, Арассыыйа үтүөлээх тренерэ В.Е.Стручков-Абый Бааска, Саха өрөспүүбүлүкэтин култууратын үтүөлээх үлэһитэ, биллиилээх баянист Н.Д.Стручков, үлэ бэтэрээннэрэ: Н.С.Ребров, Е.П.Черемкин бааллар. Иван Ребров биир дойдулаахтарыгар кинини  өйөөбүттэригэр, бастатан туран, бу үлэни иилээн-саҕалаан тэрийбит И.А.Суздаловка, М.Г.Никулиҥҥа дириҥник махтанна, праймериз хайдах барбытын, түмүктэрин уонна бэйэтин инники былааннарын туһунан сиһилии кэпсээтэ, ыйытыыларга хоруйдаата.

Көрсүһүү кыттыылаахтара салгыы өссө сомоҕолоһон, далааһыннаахтык үлэлииргэ баҕаларын биллэрдилэр, элбэх чопчу этиилэри оҥордулар, Иван Ребровка аны күһүн, балаҕан ыйыгар, ыытыллар Ил Түмэн быыбарыгар ситиһиилэри баҕардылар.

Раиса Сибирякова, “Саха сирэ”, edersaas.ru

 

1
0
Telegram @edersaas20

Добавить комментарий