Ааспыт нэдиэлэҕэ Абый улууһугар Бэрдьигэстээх күөлгэ ыарахан уйуктаах К-700 тыраахтар муус анныгар түспүтэ.
edersaas.ru
СӨ Тырааныспарын уонна суол хаһаайыстыбатын министиэристибэтэ иһитиннэрбитинэн, быһылаан Белай Гора — Сыаганнаах хайысхатынан кыһыҥҥы суолу хаартан ыраастааһын кэмигэр тахсыбыт. Бу хайысханан суолу көрүүгэ-харайыыга эппиэттээх «Арктика суоллара» тэрилтэ салайааччыта Владимир Чусовской икки хас күнүнэн айан-сырыы чөлүгэр түһэриллиэҕин эттэ.
Ол курдук, ахсынньы 19 күнүгэр Белай Гора — Сыаганнаах учаастагар тэрилтэ тыраахтара муус анныгар түһэн, сатаан бэйэтэ тахсыбатаҕа.
Эбиитин, тиэхиньикэ түспүт сиринэн тааҥнаан, суолу оҥорооччулар харгыстары үөскэттэ. Уу тахса уонна хаар бөҕө түһэ турдаҕына суолу оҥоруу ыарахаттардаах. Инньэ гынан, нэдиэлэни быһа үлэ тохтоон турда.
Белай Гораттан Сыаганнаахха диэри 147 км. Бүгүҥҥү туругунан 117 км суол оҥоһулунна.
Анивера Акимова, «Саха сирэ» хаһыат, edersaas.ru