Кэнчээри ыччат фондата үбүлээн, 2016 сылтан саҕалаан Абый нэһилиэгэр икки этээстээх таас оскуола тутулунна. Былаан быһыытынан тохсунньуга үлэҕэ киирэр. “Кэлиҥҥи сылларга биһиги нэһилиэкпитигэр ыччат хаалара элбээтэ, онон оҕо да элбиэҕэ. Оскуолабыт 90 миэстэлээх. Спортивнай, актовай саалалаах, остолобуойдаах, аныгылыы үөрэнэр толору хааччыллыылаах кылаастардаах”, — диэн кэпсиир нэһилиэк баһылыга Тимофей Томскай.
Икки сыллааҕыта өтөрүнэн түспэтэх дьиэ үрдүгүн саҕа халыҥнаах хаар түһэн, улууска улахан хоромньу тахсыбыта. Сүүһүнэн таба, сылгы былдьаммыта. Онтон хотугу дьон сүрэх баастаах да буоллаллар, санааларын түһэрбэттэр. Саҥа сылы саҥа оскуолалаах, инникигэ эрэллээх көрсөллөр.
Надежда Самсонова, edersaas.ru
+1
+1
+1
+1
+1
+1
+1