Тыа хаһаайыстыбата

Абыйга оттооһун туруга

Тыа хаһаайыстыбатын управлениетын иһитиннэриитинэн, быйыл балаҕан ыйын 1 күнүгэр, Абый улууһун бары хаһаайыстыбаларыгар сүөһү ахсаана 626 төбө, сылгы ахсаана 1191 тиийбит диэн Улус Медиа иһитиннэрэр.

Былырыыҥҥыттан ыла сылгы, сүөһү ахсаана эбиллэр диэн этиллэр. Бу 2016 сыллаахха айылҕа содулун кэнниттэн көнөн эрэрэ бэлиэтэнэр. Холобур, быйыл 165 ньирэй, 303 кулунчук төрөөбүт.
СӨ Тыа хаһаайыстыбатын министиэристибэтин 2021 сыл кулун тутар 4 күнүнээҕи 144 №-дээх «О мерах по подготовке и проведению весенне-полевых, кормозаготовительных работ в 2021 году» бирикээһинэн 2405 га сиртэн 1461 туонна оту бэлэмнииргэ былаан ылыныллыбыт.
Былаан 150 % толоруллубут, 2210 туонна от бэлэмнэниллибит. 2179 га  сир охсуллубут. 55 тыраахтар, 108 звено үлэлээбит, итинтэн 8 механизированнай, 47  полумеханизированнай, сылгыны көлүйэн уонна илиинэн — 17, илиинэн — 36. Оттооһун хампаанньатыгар 198 киһи кыттыбыт.
Улуустааҕы тыа хаһаайыстыбатын исписэлиистэрэ үчүгэй күн-дьыл турбутун уонна от өлгөмнүк үүммүтүн бэлиэтииллэр. Маны таһынан Абый, Муҥурдаах, Уолбут нэһилиэктэригэр хаһаайыстыбалар саҥа пресс-подборщиктары ылыммыттар. Абый оройуонун дьаһалтата уонна тыа хаһаайыстыбатын управлениета өрөспүүбүлүкэ улуустарыгар, кыстыкка ханна от тиийбэтинэн көрөн, оту атыылыыр туһунан кэпсэтиини ыыталлар. Сыана от хаачыстыбатыттан көрөн, дуогабарынан буолар диэн иһитиннэрэллэр.
0
0