Белай Гора олохтоохторо «Радио России» биэриилэрин истэллэр.
Бэлиэтээбиттэринэн, 2,5 тыһыынча кэриҥэ киһи уонна Белай Гора таһынааҕы таһынааҕы нэһилиэктэр олохтоохторо араадьыйаны 102,8 МГц долгуҥҥа истэр кыахтаннылар диэн sakha.gov.ru суруллар.
Бу ВГТРК уонна РТРС бииргэ үлэлээһиннэрин түмүгэ. Бырагыраамаҕа «Радио России», «Маяк» уонна «Вести ФМ» араадьыйанан биэриилэри холбооһун учуоттаныллыбыт. Манна аныгы үйэ ирдэбилигэр сөп түбэһиннэрэр РТРС филиалын «СӨ РТПЦ» исписэлиистэрэ үлэлэһэллэр.
РТРС Хабаровскай кыраайга алтынньы 1 күнүгэр араадьыйанан биэриилэр ситимнэрин саҥатытан оҥоруу бырагырааматын түмүктээбитэ. Онно билигин «Радио России» биэриилэрин 1212 тыһыынча киһи истэр. Бу иннинэ радиопередатчиктары туруоруу үлэлэрэ Камчатка кыраайыгар уонна Магадан уобалаһыгар түмүктэммитэ.
Өрөспүүбүлүкэҕэ билигин FM-диапазонунан биэриилэри 500 тыһыынчаттан тахса киһи истэр. Саха сиригэр саҥардыллыбыт бырагырааманы олоххо киллэрии үлэтэ 2020 сылынан түмүктэниэхтээх. Онуоха былааннаммытынан, нэһилиэнньэни хабыы 567 тыһыынча киһиэхэ тиийиэхтээх.
Хаартыска: СИА
+1
+1
+1
+1
+1
+1
+1