Бүгүн, олунньу 7 күнүгэр, Абый улууһун баһылыга Михаил Никулин тэрилтэлэр салайааччыларын кытта былааннаах көрсүһүүтүгэр, сарсыҥҥыттан боломуочуйатын устунарын туһунан иһитиннэрдэ.
Роман Попов, “Саха сирэ” хаһыат, https://edersaas.ru
Михаил Гаврильевич бииргэ үлэлээбит дьонугар махтанна, болдьоҕун толору үлэлээбэтэҕиттэн хомойорун эттэ. Соторутааҕыта баһылыгы бастакы солбуйааччынан анаммыт Станислав Цюхцинскайы улуус баһылыгын эбээһинэһин быстах кэмҥэ толорооччу быһыытынан билиһиннэрдэ.
Онон Абыйга баһылык быыбара буолуоҕа. Сарсын улуустааҕы Сэбиэт дьокутааттара мунньахтаан, куоластааһын күнүн быһаарыахтара.
Сонуну киэҥник тарҕатар сириэстибэлэр иһитиннэрбиттэринэн, Михаил Гаврильевич уурайыытын төрүөтүнэн улууска социальнай эбийиэктэри тутуу болдьоҕо уһааһына-кэҥээһинэ буолуон сөп. Манна даҕатан эттэххэ, былырыын ахсынньы 11 күнүгэр Белай Гораҕа тутуллан испит спорт саалата сиҥнибитэ.
Роман Попов, “Саха сирэ” хаһыат, https://edersaas.ru