Ахсынньы 12 күнүгэр Чурапчы улууһун баһылыгын, ону сэргэ үс нэһилиэккэ Абый улууһун Ураһалааҕар, Өлүөхүмэ оройуонун Кыыллааҕар уонна Уус Алдан Найахытыгар быыбардар буолбуттара.
Ураһалаах баһылыгын быыбарыгар үс хандьыдаат кыттыбыта. “Биир ньыгыл Арассыыйа” баартыйаттан Виктор Шкулев, бэйэ кандидатуратын туруорунан Валентина Слепцова уонна Майя Шкулева турбуттара. Быыбар түмүгүнэн Майя Нориковна быыбардааччылар 49,43 % куоластарын ылан, баһылыгынан талылынна. Кини кэнниттэн Виктор Афанасьевич – 33,33%, Валентина Николаевна – 14,37% ыллылар.
Майя Шкулева Абый улууһугар Белай Гора бөһүөлэгэр төрөөбүтэ. Хабаровскайга Тиихэй Акыйааннааҕы судаарыстыбаннай университеты үөрэнэн бүтэрбитэ. Абый улууһун дьаһалтатыгар Муниципальнай баайга-дуолга, тутууга, эбийиэктэри көрүүгэ кэмитиэтин бэрэссэдээтэлинэн үлэлии олорбута.
Аграфена КУЗЬМИНА