Абый улууһугар күнүскү лааҕырдар аһылыннылар

Ааптар: 
Бөлөххө киир:

Абый улууһугар бэс ыйын 20 күнүттэн Сыаганнаахха, Сутуруохаҕа, Кэбэргэнэҕэ, Киэҥ Күөлгэ 21 күннээх лааҕырдар аһылыннылар.

edersaas.ru

Абый улууһун үөрэҕин управлениетыгар иһитиннэрбиттэринэн, оҕо сынньалаҥын, доруобуйатын бөҕөргөтүүтүн уонна тиһиктээх дьарыгы тэрийэр, оҕо личность быһыытынан сайдарыгар усулуобуйа олохтуур инниттэн, сынньалаҥ кэмигэр оҕо көрүүтэ-истиитэ суох хаалбатын уонна сокуону кэһиини сэрэтэр туһугар, араас хайысхалаах доруобуйаны бөҕөргөтөр күнүскү лааҕырдар үлэлэрин саҕалаабыттар.

Алын кылаас үөрэнээччилэригэр аралдьытар-оонньуулаах хайысхалар, арыый улахан саастаахтарга агротехнологическай уонна доруобуйаны бөҕөргөтөр, оскуола иннинээҕи учаастакка көмөлөһөр сыаллаах үлэлиир хайысхалаах лааҕырдар тэриллибиттэр.

Итини таһынан, уус-уран-эстетическэй, спортивнай-чэбдигирдэр, доруобуйаны бөҕөргөтөр уонна кыраайы үөрэтэр хайысхалаах былаһааккалар тэриллибиттэр.

Лааҕырдар Роспотребнадзор бары ирдэбилин тутуһан үлэлииллэр, дезинфекциялыыр сириэстибэнэн хааччыллыбыттар. Педагогтары таһынан асчыттар, тиэхиньиичэскэй үлэһиттэр, иһит сууйааччылар уонна гигиена инструктордара үлэлииллэр.

“Бэс чагда” оҕолор доруобуйаларын бөҕөргөтөр киин пресс-сулууспата.

+1
0
+1
0
+1
0
+1
0
+1
0
+1
0
+1
0