Абый саппааска 200 туоннаны оттуур

Ааптар: 
Бөлөххө киир:

Тус хоту сытар Абый улууһа 2 186 туоннаны оттуур былааннаах.

edersaas.ru

Тыа хаһаайыстыбатын улуустааҕы управлениетын атырдьах ыйын 17 күнүнээҕи чахчытынан, 1411 т от кэбиһилиннэ. Бу иһигэр, Абый нэһилиэгэ 784 т., Муҥурдаах нэһилиэгэ 323 т., Мойуор нэһилиэгэ 163 т., Уолбут нэһилиэгэ 141 т оту чөкөппүттэр. Улуус ходуһаларыгар билигин 207 отчут, 45 араас мааркалаах тыраахтар, 2 толору мэхэньисээссийэлээх, 21 ситэтэ суох мэхэньисээссийэлээх, 12 көлөнөн оттуур, 35 илиинэн оттуур биригээдэ үлэлии сsлдьар.

Өссө окко киирэр саҕана сирдэрин-уоттарын көрүнэн бараннар, нэһилиэктэр хаһаайыстыбалара бэйэни холкутук хааччынары таһынан, атыыга оттуохпутун сөп эбит диэннэр, өрөспүүбүлүкэ саппаас пуондатыгар оттуурга бэлэмнэрин биллэрбиттэрэ. Онон улуус баһылыга Станислав Цюхцинскай дьаһалынан, үс бөдөҥ хаһаайыстыбаҕа – «Тирэх» уонна «Уйгу» тыа хаһаайыстыбатын кэпэрэтииптэригэр итиэннэ Дьоску учаастагын олохтооҕо Иван Слепцов салайар бааһынай хаһаайыстыбатыгар, олохтоох бүддьүөттэн 150-нуу тыһ. солк. харчы көрүллүбүтэ. Бу хаһаайыстыбалар ити харчыга тирэҕирэн, биригээдэ тэрийэн, атыыга анаан 200 туоннаны оттуур соруктаах үлэлии-хамсыы сылдьаллар улуус дьаһалтатын пресс-сулууспата иһитиннэрэр.

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0