Абитуриент-2021: култуура кэллиэһигэр үс сүүстэн тахса сайабылыанньа киирдэ

Ааптар: 
Бөлөххө киир:

Култуура уонна ускуустуба кэллиэһигэр үөрэниэн баҕалаах ыччат элбэх. Бүгүҥҥү иһитиннэриинэн үс сүүстэн тахса сайабылыанньа киирдэ.

А.Д. Макарова аатынан Дьокуускайдааҕы култуура уонна ускуустуба кэллиэһигэр 2021-2022 үөрэх дьылыгар туттарсыы саҕаланна. Манна 84 бүддьүөт, 41 төлөбүрдээх миэстэҕэ туттарсаллар. Үөрэх күнүскү уонна кэтэхтэн киэбинэн ыытыллар. Бүгүҥҥү күннээҕи иһитиннэриинэн 333 сайабылыанньа киирбит. Докумуоннары атырдьах ыйын 15 күнүгэр диэри туталлар.
Ыччат ордук «Народное художественное творчество» хайысхаҕа үөрэниэн баҕалааҕа биллибит, манна 134 сайабылыанньа киирбит. Ону сэргэ, «Этнохудожественное творчество» –  31 сайабылыанньа  (биир бүддьүөт миэстэтигэр иккилии киһи);  Хореографическое творчество» – 45 сайабылыанньа  (биир бөддьүөт миэстэтигэр үстүү киһи); «Фото — видеотворчество» – 58 сайабылыанньа ( биир бүддьүөт миэстэтигэр 3,8 киһи).
«Социально-культурная деятельность» хайысхаҕа күнүскү салааҕа үөрэнэргэ 110 сайабылыанньа (биир бүддьүөт миэстэтигэр 7,3 киһи) бэриллибит. Аҕыс сайабылыанньа кэтэхтэн үөрэнэргэ киирбит.
«Музыкальное звукооператорское мастерство» 49 киһи талбыт, манна биир бүддьүөт миэстэтигэр 5,4 киһи буолар диэн кэллиэстэн иһитиннэрэллэр. «Библиотековедение» салаатыгар 31 киһи үөрэнэр баҕалааҕын биллэрбит. Бу биир бүддьүөт миэстэтигэр 4,4 тэҥнэспит.
Докумуоннары атырдьах ыйын 15 күнүгэр диэри туталлар. Сайабылыанньаны https://edu.e-yakutia.ru/kkii.ykt@mail.ruyakkii@gov14.ru  электроннай почтанан, эбэтэр Арассыыйа почтатынан Дьокуускай куорат, Халтурин уул. 14/5, приемнай хамыыһыйаҕа бу  аадырыстарга ыытыаххытын сөп.
Аттестат орто баалын таһынан, үөрэххэ туттарсааччылар айар дьоҕурдарын көрдөрөллөр. Туттарсыы онлайн киэбинэн ыытыллар. Абитуриеннар видеоматырыйаалларын электроннай почтанан атырдьах ыйын 20 күнүгэр диэри ыыталлар. Айар дьоҕурдарын көрүү атырдьах ыйын 21 күнүттэн атырдьах ыйын 24 күнүгэр диэри буолар. Үөрэххэ киириилэрин туһунан бирикээс атырдьах ыйын 25 күнүттэн хойутааһына суох тахсыа. Сиһилии yakkii.ru «Абитуриенту» уонна инстаграмҥа @college_culture_ykt көрүҥ.
+1
0
+1
0
+1
0
+1
0
+1
0
+1
0
+1
0