Абитуриеннары кытта көрсүһүүгэ ыҥыраллар

Ааптар: 
Бөлөххө киир:

Билигин үөрэххэ туттарсыы үгэнэ. Саха Өрөспүүбүлүкэтиттэн өйөбүл миэрэлэрдээх өрөспүүбүлүкэтээҕи тутар хамыыһыйа абитуриеннары көрсүһүүгэ ыҥырар.

edersaas.ru

Бүгүн, от ыйын 5 күнүгэр, киэһэ 17:00 чаастан (Саха сиригэр баар үрдүк үөрэх тэрилтэлэрэ), от ыйын 8 күнүгэр, киэһэ 17:00 чаастан (Саха Өрөспүүбүлүкэтин тас өттүгэр баар үрдүк үөрэх тэрилтэлэрэ) өрөспүүбүлүкэтээҕи тутар хамыыһыйа абитуриеннары  көрсүһүүгэ ыҥырар.

Тустаах тэрээһинтэн үөрэххэ туттарсар дьон Саха сирин уонна өрөспүүбүлүкэ тас өттүгэр баар үрдүк үөрэх тэрилтэлэрин бэрэстэбиитэллэрин кытта көрсүөхтэрэ, атах тэпсэн олорон тута ыйытыыларга хоруйдары, сүбэлэри-амалары ылыахтара.

Сэҥээрэр ыйытыыларгытын 8-984-119-14-81 төлөпүөн бассаабыгар эбэтэр rpkpriem@mail.ru электроннай аадырыска ыытыаххытын сөп.

Буолар сирэ: Водников уул. 1 №-дээх дьиэтин аактабай саалата (Дьокуускайдааҕы уу тырааныспарын института).

Санатан эттэххэ, орто үөрэх кэнниттэн киирээччилэргэ уонна эбии тургутуулаах идэлэргэ туттарсааччылартан Саха сирин үрдүк үөрэҕин кыһалара сайабылыанньаны от ыйын 10 күнүгэр диэри ылаллар. Хаалбыт күннэри мүччү тутумаҥ. Көрсүһүүгэ кэлиҥ, сэҥээрэр ыйытыыларгытыгар хоруйдары ылыҥ, үөрэххэ киириҥ.

“Саха сирэ” хаһыат, edersaas.ru

Хаартыска: СИА.

+1
0
+1
0
+1
0
+1
0
+1
0
+1
0
+1
0