Абитуриеннар уопсай ыстааптара үлэлиир

Ааптар: 
Бөлөххө киир:

Быйыл Дьокуускайдааҕы сибээс уонна энергиэтикэ кэллиэһигэр абитуриеннар ыстааптара тэриллэн үлэлиир.

edersaas.ru

СӨ Үөрэҕин уонна билимин миниистирин бастакы солбуйааччы Михаил Присяжнай иһитиннэрбитинэн, тустаах кэллиэскэ бэс ыйын 20 күнүттэн орто анал үөрэх тутар хамыыһыйаларын, өрөспүүбүлүкэтээҕи тус сыаллаах үөрэххэ ылыы тутар хамыыһыйатын бэрэстэбиитэллэрэ, үрдүк үөрэх тэрилтэлэрин тутар хамыыһыйаларын бэрэстэбиитэллэрэ бааллар.

Быйыл үрдүк уонна орто үөрэх кыһалара абитуриеннартан докумуоннары Судаарыстыбаннай өҥө порталын (Госуслуги) нөҥүө электроннай көрүҥүнэн туталлар.

От ыйын 4 күнүттэн атырдьах ыйын 13 күнүгэр диэри Дьокуускайдааҕы сибээс уонна энергиэтикэ кэллиэһигэр, Саха сирин үрдүк үөрэҕин кыһаларын кытта “Саха сирин учууталын” ыстаабын үлэлэттибит. Бу чопчу педагогическай идэлэргэ туһаайыллар. Манна үөрэх управлениетын бэрэстэбиитэллэрэ ыйан-кэрдэн, салайан биэриэхтэрэ”, — диэн миниистири бастакы солбуйааччы быһаарда.

Тус сыаллаах миэстэлэр (целевой) туһунан иһитиннэриини СӨ Үөрэҕин уонна билимин министиэристибэтин саайтыгар АБИТУРИЕНТ салааҕа киирэн билсиэххитин сөп.

“Саха сирэ” хаһыат, edersaas.ru

Хаартыска: СИА.

+1
0
+1
0
+1
0
+1
0
+1
0
+1
0
+1
0