От ыйын 21 күнүгэр өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина быһа эпииргэ тахсан уопсай балаһыанньаны билиһиннэрдэ.
edersaas.ru
Билигин даҕаны балаһыанньа уустугун иһитиннэрдэ. Коронавирус дьаҥа улуустарга ОРВИ быһыытынан тарҕанан эрэрин бэлиэтээтэ. Өрөспүүбүлүкэ быраастара олохтоохтортон аҕам саастаахтары харыстыыр туһугар хааччахтаныыны тутуһары көрдөһөллөрүн эттэ. Коронавирус дьаҥа туруоҕуттан өрөспүүбүлүкэ үрдүнэн 5283 киһи ыалдьыбыт. Олортон 4123 киһи Дьокуускайга ыалдьыбыт. От ыйын 10 күнүттэн Абалаах санаторийыгар ыалдьыбыт дьону чөлүгэр түһэрэр куурустар ыытыллан эрэллэрин сырдатта. Үтүөрбүт киһи дьаҥ содулугар доруобуйата эмсэҕэлиирин, хайаатар да үтүөрэн баран харыстаныахтааҕын, анал кууруһу ааһыахтааҕын бэлиэтээтэ. Тоҕо диэтэххэ коронавируска сутуллубут киһи аан бастаан тыҥата этээҕирэрин эттэ. Маны сэргэ, поликлиникалар былааннаммыт эрэсииминэн үлэлээн эрэллэрин уонна электроннай уочаратынан дьону көрөр буолан эрэллэрин кэпсээтэ. Ол да буоллар аһары най барбакка, тыыннаах уочаракка турартан туттунары эттэ.
Ульяна Захарова, edersaas.ru