Амма улууһун Абаҕа нэһилиэгэ 4 тыһыынча 900 туоннаны оттуур сорудахтаах.
– Үүнүү орто, – диир Абаҕа нэһилиэгин дьаһалтатын баһылыгын солбуйааччы Сахайаана Кожурова. – Окко сорудахпыт 4 тыһыынча 900 туонна, ону 85 % толорон олоробут. Ити иһигэр бааһынай хаһаайыстыбалар 1 тыһыынча 208 туоннаны оттоон, былааннарын 114 % толордулар. Кэтэх ыаллар 1 тыһыынча 780 туоннаны оттоон, кыстыыр отторун 96 %-ын хааччыннылар.
«Болугур» кэпэрэтиип 1 тыһыынча 200 туоннаны оттоото, ити былаанын 60 %-на. Хаһаайыстыбалар билигин да хотуурдарын ыһыкта иликтэр, оттуу сылдьаллар, төһө кыалларынан ыкса күһүҥҥэ диэри оттуур санаалаахтар. Кэпэрэтиип хомууру ааспыт нэдиэлэттэн саҕалаабыта, үүнүү куһаҕана суох диэн астыналлар.
Раиса Сибирякова, «Саха сирэ», edersaas.ru
+1
+1
+1
+1
+1
+1
+1