Аастымалаах дьоҥҥо төлөпүөн лиинийэтэ үлэлээтэ
· - Олох-дьаһах

Аастымалаах дьоҥҥо төлөпүөн лиинийэтэ үлэлээтэ

Өрөспүүбүлүкэҕэ коронавируснай инфекциянан ыалдьыы балаһыанньата өссө да уустук. Ол курдук, күһүн буолан, ыалдьыбыт дьон ахсаана күннэтэ эбиллэн иһэр.

Суһал ыстаап салайааччытын солбуйааччы Ольга Балабкина социальнай ситимнэргэ тарҕанар иһитиннэриилэр тустарынан эттэ:

Поликлиникаларга, балыыһаларга эрийэн кыайан тиийбэппит, “суһал көмө” кэлбэт, турукпут мөлтөөтө диэн иһитиннэриилэр социальнай ситимнэргэ тарҕаналлар. Ол эрээри, холобур, бэҕэһээ биир маннык иһитиннэриинэн мобильнай биригээдэ икки чааһы быһа көрдөөн тиийбитэ – ыалдьыбыт дьон балыыһаҕа киирэртэн аккаастаммыттар. Онон аймахтарыттан, билэр дьонноруттан көрдөһүөм этэ, айдаан тардыах иннинэ, чахчы мэдиссиинэ суһал көмөтүгэр наадыйаллар дуо диэн ыйыталаһаргытыгар.

Биллэн турар, хас биирдии көмөҕө наадыйааччыны таах хаалларыахпыт суоҕа. Ол гынан баран, күнүстэри-түүннэри кыахтарын таһынан үлэлии сылдьар медиктэри аһыныҥ, арыый тулуурдаах буолуҥ диэн ыҥырыам этэ.

Билигин мэдиссиинэ тэрилтэлэрэ олус ноҕуруускалаахтык үлэлииллэр. Күһүҥҥү тумууга, кириипкэ уонна коронавируска туспа эбии куойкалары арыйдыбыт. Баһаардар элбээбит, буруо тунуйбут балаһыанньатыгар, тыыннара хаайтарар аастымалаах, ыараханнык тыынар дьоҥҥо туспа “итии лиинийэни” арыйарга быһаардыбыт. Бу төлөпүөн доруобуйа харыстабылын министиэристибэтин иһинэн үлэлиэҕэ, кинилэр саайтарыгар баар. Нүөмэрэ: 89142701203. Онон бу нүөмэр атын төлөпүөннэр ноҕуруускаларын көҕүрэтиэҕэ диэн эрэнэбит.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

один × 2 =